常見問題

我比警察拉左,點算?

警察會拘捕可能犯左法嘅疑犯,經過調查後,如果證據足夠,會將疑犯告上法庭,由法庭決定是否有罪及判刑。越早得到適當嘅法律意見對你越有利。

律師可以點幫我?

律師可以根據案件嘅情況,比適合你嘅法律意見比你,如果每一步都小心處理,話唔知定會因為證據不足而無條件䆁放添。

都咁夜喇,律師仲會唔會聽我電話?

警察24小時都會拉人,有嘢需要幫手,隨時都可以打比我地。

我有無得保䆁? 要幾錢先可以保釋?

有無得保䆁要睇拘捕嘅時候,警察掌握住幾多證據同案件嘅嚴重性等因素決定,而保釋金亦都一樣,要同你傾過先可以比到合適嘅法律意見比你㗎。

我行得正企得正,無辜嘅,警察問我咩我係咪都可以照講?

一般人未必對法律好熟悉,未得到適當法律意見之前,講左啲唔應該講嘅嘢,只有百害而無一利,所以都係先搵律師幫你就最穩陣。

我都無犯法,警察點解要拉我?

有啲常見嘅罪行,大家可能比較熟悉,但係有更係比較陌生,真係犯左都未必知,所以最好都係搵我地傾下先。

警察拉左我之後會發生咩事?

一般唻講,警察拉得,即係已有初步證據,如果證據充足,會48小時內告上法庭,如果仍要進一步調查,就有兩個可能,第一係先告上法庭,再要求延期作進一步調查,第二係比警察保釋,定期再返警署報到,調查後夠證據就會告,唔夠證據就會放人。

咩嘢叫做保持緘默?

法例保障每個人都唔可以被迫作出對自己不利嘅證供或者認罪,即係喺警察拉左之後,可以拒絕回答警察嘅提問。不過,係咪保持緘默就要睇情況,適當時候講適當嘅嘢,可以釋除警察嘅懷疑,話唔定會放人都唔定。

請律師係咪好貴? 警察告我先請啦,慳得就慳啦?

其實拘捕之後點樣即時處理警察嘅調查係好關鍵,有時警察夠唔夠證據,都係睇點處理呢一步,如果等警察告先,即係已經夠料,到時搵律師,都難搞左啦。

需要法律求助? 請聯絡我們

-我們支援多項專業法律服務-

WhatsApp 24小時 WhatsApp 服務熱線